O noso ADN: Desenvolvemento tecnolóxico, Fabricación de vangarda e Paixón pola calidade. Televés é moito máis que unha marca líder na recepción e distribución de sinais de televisión. É o núcleo dun gran grupo de compañías que controla varios nichos do sector das TIC. Televés Corporación agrupa a máis de 20 compañías, todas as cales traballan perseguindo o obxectivo común de deseñar e fabricar os mellores equipos destinados a dotar ás vivendas, edificios e cidades dunhas óptimas infraestruturas de telecomunicacións. Conta con 11 filiais internacionais, destacando os seus servizos de: – Transmisión, distribución e medida de sinais de televisión. – Instalación de redes de fibra óptica para servizos avanzados en Hospitality. – Solucións avanzadas en iluminación LED profesional. – Fabricación electrónica e PCBs. – Consultoría informática e software. – Simulacións en deseño electrónico para circuítos de radiofrecuencia e microondas. Con preto de 65 anos de experiencia, Televés lanzou máis de 1.500 produtos diferentes, un logro que se explica desde unha auténtica paixón pola fabricación. A compañía produce en instalacións propias para garantir a máxima calidade. Está a ser pioneira na posta en marcha de liñas de fabricación 4.0 e dispón dos seus propios laboratorios de certificación e control de calidade. Os produtos da marca ostentan con orgullo o selo European Technology Made in Europe.