Queres coñecer como funcionan os seus procesos de selección?
O luns 13 de novembro desenvolverase, no Palacio de Congresos e Exposicións de Galicia, unha xornada de 2 horas en que destacadas empresas do tecido produtivo de Santiago que falarán sobre o emprego e a xestión do talento.
Persoal de recursos humanos das empresas Finsa, Grupo Calvo, Carrefour e Obramat ofrecerán charlas breves en que presentarán as súas empresas, as súas iniciativas na xestión do talento, así como cuestións de relevancia para acceder ao emprego nelas (perfís profesionais e competencias máis demandadas, canles e formatos dos procesos de selección).
Darán a coñecer os perfís profesionais e as competencias para o emprego que máis se valoran na empresa.
- Achegar a realidade da empresa ás persoas.
- Coñecer as perspectivas de emprego e os perfís requiridos pola empresa.
- Reflexionar sobre as competencias necesarias para a mellora da empregabilidade.
- Axudar a desenvolverse con éxito nos procesos de selección.
