El Centro Británico

Somos un centro de idiomas e centro examinador autorizado de Cambridge English con máis de 45 anos de experiencia. Contamos cunha ampla variedade de cursos de inglés e certificacións para todas as idades, niveis e sectores. As persoas —equipo, clientela e alumnado— son o piar da nosa organización. Somos un equipo honesto, traballador e talentoso, en continua formación e que cre na comunicación fluída para ofrecer o mellor ao alumnado. Gústanos a tecnoloxía, somos curiosos e adaptámonos a calquera circunstancia para ensinar inglés. A nosa motivación e compromiso tradúcense directamente na calidade da ensinanza. Por iso buscamos persoas que compartan estes valores e sexan capaces de adaptarse e avanzar para ofrecer as mellores solucións ao alumnado. Somos unha empresa chea de talento que quere captar máis talento a través de Talentia Summit’25. Así que, se buscas novos desafíos profesionais, estamos a agardar por ti.