COGAMI precisa incorporar un/unha asesor/a comercial de ruta para Santiago de Compostela.

En dependencia directa da Xerencia, a misión do posto será contactar e visitar talleres para a compra de vehículos e pezas de automoción, negociando prezos e acordos para a súa posterior. Tamén ofrecerá soporte ás xestións administrativas propias do posto.

Funcións:

• Atención multicanle a clientes interesados en recambios de ocasión: localización, desmontaxe, facturación, cobro e entrega de pezas de automóbiles.
• Planificar e xestionar as rutas de talleres para a súa posterior visita.
• Realizar as visitas comerciais coas persoas responsables dos talleres para afianzar e promover a marca.
• Seguimento constante con clientes e talleres (por teléfono, WhatsApp e presencialmente) para a compra e venda de pezas e vehículos.
• Introducir nos sistemas de información da empresa toda a documentación xerada nos procesos de compra/venda, altas e baixas de vehículos, etc.
• Xestións administrativas para apoiar outros procesos internos da empresa (introdución de información en bases de datos, revisión de documentación técnica relacionada con calidade, PRL, etc.).
• Coñecemento e manexo do paquete Office e aplicacións informáticas.

Apostamos pola igualdade nos postos de traballo e gustaríanos contribuír ao talento feminino. Se es unha persoa con iniciativa, che gusta traballar en equipo e compartes o noso espírito de valor social, estamos á túa espera!

Requisitos:

• Residencia en Santiago ou arredores.
• Coñecemento e experiencia no sector automobilístico (compra/venda de vehículos e pezas).
• Experiencia en funcións comerciais.
• Coñecementos de xestión administrativa.
• Dispoñibilidade para desprazamentos.
• Carné de conducir.
• Valorarase positivamente ter experiencia previa en automoción.
• Valórase estar en posesión do certificado de discapacidade igual ou superior ao 33%.