COGAMI precisa incorporar a unha/un TERAPEUTA OCUPACIONAL para o Centro de Día de O Porriño. A persoa seleccionada realizará, entre outras as seguintes función:

• Participar no plan xeral de actividades do centro.
• Realizar actividades auxiliares de psicomotricidade, linguaxe, dinámicas e rehabilitación persoal e social aos residentes.
• Colaborar no seguimento ou a avaliación do proceso recuperador ou asistencial dos residentes do centro.
• Participar nas áreas de ocio e tempo libre da persoa usuaria do centro.
• Colaborar nas materias da súa competencia nos programas que se realicen de formación e información ás familias das persoas usuarias e as institucións.
• En xeral, todas aquelas actividades non especificadas anteriormente que se lle pidan e que teñan relación co anterior.

Requisitos:

• Diplomatura ou Grao en Terapia Ocupacional.

Apostamos pola igualdade nos postos de traballo e gustaríanos contribuír ao talento feminino. Se es unha persoa con iniciativa, che gusta traballar en equipo e compartes o noso espírito de valor social, estamos á túa espera! Valórase estar en posesión do certificado de discapacidade igual ou superior ao 33%.