COGAMI precisa incorporar Persoal Técnico Contable para SANTIAGO DE COMPOSTELA, dentro do Departamento Financeiro-Económico.

Responsabilidades:

• Preparar e elaborar a xustificación económica das subvencións e convenios de COGAMI en tempo e forma, coordinándose, no caso de ser necesario, co servizo de auditoría económica externa contratado.
• Coordinarse coa área de proxectos para presentar a documentación económica relacionada coa xustificación das diferentes subvencións e convenios de COGAMI en tempo e forma.
• Preparar e coordinarse coa área de proxectos para presentar toda a documentación económica relacionada cos requirimentos de xustificación das diferentes subvencións e convenios de COGAMI.
• Colaborar cos distintos profesionais da área e participar nos procesos conxuntos establecidos pola Coordinación da Área para a correcta execución do traballo.

Apostamos pola igualdade nos postos de traballo e gustaríanos contribuír ao talento feminino. Se es unha persoa con iniciativa, che gusta traballar en equipo e compartes o noso espírito de valor social, estamos á túa espera!

Requisitos:

• Titulación: Empresariais, Economía, Grao en Administración e Dirección de Empresas.
• Nivel avanzado en Excel e amplo coñecemento da lexislación que aplica aos procesos de xustificación de subvencións, así como coñecemento do Plan Xeral Contable para Entidades Non Lucrativas.
• Experiencia previa de 1 ano en administración financeira ou nun campo relacionado.
• Coñecemento sólido dos principios contables e financeiro-económicos.
• Habilidades de organización, atención ao detalle e traballo en equipo.

Valorable posuír o certificado de discapacidade igual ou superior ao 33% ou estar en situación de incapacidade permanente total.