Xa están abertas as inscricións para as actividades de Talentia Summit. Xa están dispoñibles na web! Poderás anotarte en cursos de formación, todos gratuítos, de diversa índole: presenciais, en aula virtual con titor ou 100% en liña, así como nunha extensa selección dos paquetes formativos que ofrece LinkedIn Learning.
Pero iso non é todo, porque ademais das máis de 3.000 prazas formativas, tamén podes inscribirte para examinarte de certificacións oficiais, visitar stands virtuais de grandes empresas e citarte con elas para presentarte e optar a algunha das súas vacantes. Porque en Talentia Summit 2023 tamén hai unha sección repleta de ofertas de emprego.
E por se isto fose pouco, tamén é posible aprender de temas punteiros grazas á selección de webinars e asistir a sesións de mentoría con orientadores profesionais que che axudarán a enfocar a túa carreira ou perfil de cara ao mundo laboral.
