O Talentia Summit 2023 está de volta co seu Foro inaugural que pon o foco na innovación tecnolóxica e a intelixencia artificial, nos novos modelos para o desenvolvemento do talento local, e na igualdade e as políticas de conciliación. Será este venres 10 de novembro, ás 10:00 h, no auditorio do Centro Galego de Arte Contemporánea en Santiago.
A Feira virtual de Talentia Summit xa está completamente aberta ao público desde o pasado venres 3 de novembro e aceptando reservas na súa ampla oferta de actividades dispoñibles durante a vindeira semana. Conta xa con máis de 25.000 participantes virtuais e miles de reservas.
O Foro terá lugar o próximo venres 10 de novembro en xornada de mañá, desde as 10:00 h ata as 13:45 h no Auditorio do CGAC. As entradas xa están esgotadas debido á elevada demanda de asistencia.
O obxectivo principal do Foro será o de dar unha resposta reflexionada e sólida, a través dun grande panel de poñentes, a unha pregunta que resoa con forza estes días e que leva por lema esta edición 2023, “Coñeces o traballo do futuro?”.
No Foro seremos testemuñas de como a tecnoloxía e a innovación, especialmente a intelixencia artificial, están remodelando o escenario laboral que coñecemos. Veremos como emerxen novos modelos para o desenvolvemento do talento local e a importancia das políticas de conciliación na empresa.
Detalles do Foro inaugural
Estará presentado por Ainhoa Apestegui, contará coa participación de expertos e expertas de diferentes eidos profesionais, vinculados ás temáticas clave desta edición. Ademais, tamén contará coa participación musical de Eladio y Los Seres Queridos, unha banda de indie pop, que engadirá a nota de talento máis artístico.
Conferenciantes destacados da edición 2023 coas súas intervencións:
- SUSANA PASCUAL – CEO en PixelsHub. Promotora tecnolóxica, enxeñeira e divulgadora científica experta en disciplinas STEAM.
- “Construíndo o teu futuro; falemos de liderado, STEAM e vocacións”
- TINO FERNÁNDEZ – Presidente executivo do Grupo Altia e Vicepresidente do Clúster TIC de Galicia.
- “Impacto, talento e transformación. O traballo do futuro.”
- SANTIAGO DOMÍNGUEZ – CEO e Co founder de Mestrelab Research Presidente Bruker Integrated Data Solutions/SciY.
- “Transformando unha economía rexional a través do emprendemento, a innovación, a dixitalización e as ciencias da vida. Con persoas, por persoas e PARA persoas”
- CARMEN CASTRO – Economista e activista feminista, experta en modelos de benestar e políticas de igualdade. CEO de LiKaDI. Creadora de SinGENEROdeDUDAS.
- “Podemos alcanzar unha verdadeira conciliación laboral?”
- IGNACIO RAMOS – Director Corporativo de People Strategy and Infrastructures de GMV. Grupo tecnolóxico internacional, con máis de 3000 profesionais.
- “O futuro: IA xenerativa, non destrutiva”
- ALEX RAYÓN – Fundador e CEO de brainandcode.tech, ex vicerreitor de Relacións Internacionais e Transformación Dixital da Universidade de Deusto.
- “IA Xenerativa, un mundo de oportunidades laborais”
- ANNA CABÓ – Fundadora de LaGroc, unha consultoría que traballa na elaboración de plans de igualdade, protocolos contra o acoso e a xestión cultural.
- “Políticas de conciliación e retención do talento”
- ISABEL PERNAS – Vicepresidenta de Creativas Galegas, unha marca paraugas que reúne e impulsa a máis de 340 pequenas marcas do eido cultural e creativo galego.
- “O impacto do talento creativo na economía circular”
- GUILLEM GARCIA BRUSTENGA – Experto en transformación dixital da educación, xestión da innovación docente e análise de tendencias no eLearning Innovation Center da UOC
- “Máis aló da dixitalización: Educación e emprego na era da IA”
Gran impacto da Feira de emprego e talento
Talentia Summit conta xa con 25.000 usarios/as únicos activos na web da feira virtual da edición 2023, que poden acceder a un catálogo de actividades gratuítas e que lles permiten conectar de forma áxil e sinxela cunha grande rede de empresas e organizacións que están á procura de talento. Ademais dunha ampla oferta formativa, de certificacións oficiais e mentorías de desenvolvemento profesional.
Agás os cursos 100% online para facer por libre, que xa esgotaron as máis de mil prazas dispoñibles, a maioría do resto de actividades continúan dispoñibles e aceptando reservas. Linkedin Learning, cursos presenciais, cursos en aula virtual con titor/a en directo, certificacións oficiais, mentorías profesionais, orientación laboral, obradoiros de emprego con empresas, etc.
Que atoparás na feira de Talentia Summit 2023?
- Explora as empresas presentes
- Reserva unha videochamada cos seus responsables
- Visita os stands virtuais con vídeos de benvida persoalizados
- Ofertas de emprego
- Cursos de formación de balde
- Presenciais
- Aula virtual con titor/a
- Online (esgotados)
- LinkedIn Learning
- Certificacións oficiais
- Mentorías de desenvolvemento persoal
- Webinars
- Obradoiros de emprego
Datos ata ás 21:30 pm do 7/11/23
- 25.796 usuarios activos na feira virtual Talentia Summit ‘23.
- 2.009 prazas xa reservadas na ampla oferta formativa
- 775 currículos intermediados para as 175 ofertas de emprego con máis de 500 vacantes.
- 398 citas reservadas para citas con empresas e mentorías profesionais
